Башҡортостан Һаулыҡ һаҡлау министрлығының 26 ғинуарға мәғлүмәттәре буйынса, республикала яңы коронавирус инфекцияһы йоҡторғандарҙың һаны 23 410-ға етте, уларҙың 168-е — һуңғы тәүлектә.

Башҡортостан Башлығы Радий Хәбиров дүртенсегә атай булды. Уның һәм ҡатыны Каринэның 26 ғинуар иртәһендә улы тыуҙы. Билдәле булыуынса, республиканың етәксеһенең хәләл ефете балаһын Өфөлә донъяға килтерҙе.

2020 йылда «Башҡортостан» милли паркына 66 мең турист килгән. Былтыр иһә улар 40 мең булған. 2019 йылда бөтәһе 644, уҙған йылда иһә 15 425 электрон документ бирелгән, тип белдерҙеләр милли паркта.

Бөгөн, 25 ғинуарҙа, Башҡортостан Башлығы Радий Хәбиров Өфөнөң Октябрь революцияһы урамында Башҡорт дәүләт медицина университетының яңы ятағын асыу тантанаһында ҡатнашты.

Башҡортостандың Ғәҙәттән тыш хәлдәр министрлығы республикала йәшәүселәрҙе хәүефле һауа шарттары: боҙлауыҡ һәм томан тураһында иҫкәртә. Синоптиктар мәғлүмәте буйынса, 25 ғинуарҙа киске сәғәт 8-ҙән 26 ғинуар киске 8-гә тиклем аяҙлы-болотло һауа торошо көтөлә.

Айрат Сәйетғәлин Архангел районы башлығы итеп тәғәйенләнде. Бөгөн хөкүмәттәге оператив кәңәшмәлә Башҡортостан етәксеһе Радий Хәбиров ошо турала белдерҙе.

Башҡортостан Башлығы республикала халыҡҡа вакцинация үткәреү өсөн инфраструктура әҙерләргә ҡушты.

Әлеге ваҡытта Башҡортостанға 13 мең 842 доза вакцина килтерелде.

Башҡортостанда февраль аҙағына тиклем дауаханаларҙа коронавирус инфекцияһы йоҡторғандар өсөн койкалар һанын кәметеү планлаштырыла.

Был хаҡта Башҡортостандың һаулыҡ һаҡлау министры Максим Забелин 25 ғинуарҙа республика хөкүмәтендә уҙған оператив кәңәшмәлә хәбәр итте.

24 ғинуарҙа Башҡортостанда көндәр йылытты. «Гисметео» порталы мәғлүмәттәре буйынса, алдағы аҙнала көндөҙ һауа температураһы -3, -6 градус була.

Февраль башында ҡар яуыуы көтөлә.

Алдағы көндәрҙә Башҡортостанда һауа торошоноң боҙолоуы көтөлә. Синоптиктар мәғлүмәте буйынса, 23, 24, 25 ғинуарҙа республикала һауа торошона йылы фронт йоғонто яһай.

Башҡортостанда тағы ла асыҡланған дауахананан тыш пневмония осраҡтары һаны яҡынса бер үк кимәлдә ҡала.

22 ғинуарға мәғлүмәттәр буйынса, 216 пациентта ошо диагноз раҫланған.

2021 йылда Башҡортостанда миллион ярым кешегә COVID-19-ҙан вакцина һалыу планлаштырыла. Дәүләт Йыйылышы – Ҡоролтай депутаты Владимир Нагорный 2-се республика клиник дауаханаһында коронавирустан прививка эшләтте.

Башҡортостандың Юл хәрәкәте хәүефһеҙлеге дәүләт инспекцияһы идаралығы етәксеһе Динар Ғилметдинов водителдәрҙе яңы рейдтар тураһында иҫкәртте. Ял көндәрендә республика юлдарына юл-патруль хеҙмәтенең өҫтәмә экипаждары сыға.

Башҡортостандың «ковид»-госпиталдәрендә 802 кеше яңы коронавирус инфекцияһынан дауалана, уларҙың 58-е – интенсив терапия бүлексәләрендә, ә 14-е үпкәне яһалма елләтеү аппаратына мохтаж.

Салауат районында үлемесле юл-транспорт ваҡиғаһында зыян күргән ҡыҙ вертолет менән район дауаханаһынан Өфөгә Республика балалар клиник дауаханаһына килтерелде.

Башҡортостанда матур датала – 2021 йылдың 21 ғинуарында 102 пар сәстәрен сәскә бәйләй. Законлы никах теркәү тантаналарының күбеһе Өфөнөң ЗАГС бүлектәрендә уҙа, тип хәбәр иттеләр «Башинформ» агентлығына республика Юстиция эштәре буйынса дәүләт комитетының матбуғат хеҙмәтенән.

21- 23 ғинуарҙа Башҡортостанда һауа торошон һалҡын антициклон билдәләй. Башгидромет мәғлүмәттәре буйынса, алдағы өс көндә термометр бағанаһы көндөҙгө сәғәттәрҙә 12-20 градус һалҡын күрһәтә, ә төндә минус 16-25-кә тиклем төшә.

Башҡортостанда тәүлек эсендә яңы коронавирус инфекцияһын йоҡторғандар һәм ошо ауырыуҙан һауыҡҡандар һаны бер кимәлдә тиерлек. 168 кешелә диагноз раҫланған, 164 сирле һауыҡҡан.

Һауа торошо Башҡортостанда йәшәүселәрҙе ҡуҙғытыуын дауам итә. «Гисметео» порталының яҡынса мәғлүмәттәре буйынса, 20 градус һыуыҡтан һуң республикала ҡапыл йылыта.

Быйыл март аҙағына тиклем Башҡортостанға яңы коронавирус инфекцияһына ҡаршы 151,5 мең доза «Гам-Ковид-Вак» вакцинаһы килтерелә. Февралдә республика – 50,8 мең, мартта иһә 100,7 мең доза вакцина алырға тейеш.

22 ғинуарҙа киске сәғәт 5-тә Дөйөм республика ата-әсәләр йыйылышы була. Башҡортостан Республикаһының мәғариф һәм фән министры Айбулат Хажиндың уҡыусыларҙың ата-әсәләре менән осрашыуы онлайн-дискуссия форматында уҙғарыла һәм Мәғариф министрлығының YouTube-каналында, министрлыҡтың «Бәйләнештә» социаль селтәрендәге рәсми төркөмөндә тура эфирҙа күрһәтелә.

Республиканың яңы коронавирус инфекцияһына ҡаршы көрәш буйынса оператив штабы сирлеләр статистикаһын яңыртты. 19 ғинуарға COVID-19-ҙы әүҙем йөрөтөүселәр һаны – 5 326.

2021 йылда COVID-19 йоҡторғандар менән эшләгән табиптар ваҡытынан алда пенсияға сығыуҙы юлларға мөмкин. Федерация Советының социаль сәйәсәт комитеты рәйесе урынбаҫары Татьяна Кусайко Милли яңылыҡтар хеҙмәтенә ошо хаҡта һөйләне.

Башҡортостандың Ғәҙәттән тыш хәлдәр министрлығы республика халҡын һауа торошоноң боҙолоуы тураһында иҫкәртә.

Граждандарҙың кеҫә телефонына 19 ғинуарҙа республикала урыны менән буран сығыуы һәм елдең тиҙлеге секундына 18 метрға тиклем көсәйеүе тураһында СМС-хәбәрҙәр килде.

Архангел районы башлығы Илшат Әминев вәкәләттәрен ваҡытынан алда һалды.

Чиновниктың үҙ теләге буйынса отставкаһы советтың сираттан тыш ултырышында ҡабул ителде, тип хәбәр иттеләр «Инйәр» район гәзитенән.

Башҡортостанда ковидҡа ҡаршы паспорт индерелә, тип хәбәр итте республика Башлығы Радий Хәбиров хөкүмәттәге оператив кәңәшмәлә. Республика Башлығы хакимиәте етәксеһе Александр Сидякин һүҙҙәренсә, проектты февраль башында башлап ебәреү планлаштырыла.

Башҡортостанда, республиканың Һаулыҡ һаҡлау министрлығының 18 ғинуарға мәғлүмәттәре буйынса, яңы коронавирус инфекцияһының 22 068 осрағы раҫланған. Уҙған тәүлектә 166 кеше сир йоҡторған.

«Айыҡ ауыл 2021» конкурсы барышында 26 һәм 27 ғинуарҙа иртәнге сәғәт 11-ҙән көндөҙгө 2-гә тиклем ата-әсәләргә психологик ярҙам күрһәтеү телефоны буйынса (8-800-347-5000) ғаиләлә низағ сығыуҙы, йәберләүҙе, айырылышыуҙы иҫкәртеү һәм хәл итеү мәсьәләләре буйынса ҡыҙыу бәйләнеш эшләй.

Башҡортостанда аҙна башында һыуыҡ булыуы көтөлә. Башгидромет мәғлүмәте буйынса, 18 ғинуарҙа көн аяҙлы-болотло була. Төндә урыны менән бер аҙ ҡар, көндөҙ яуым-төшөмһөҙ.

Рәсәй 2021 йылдың 27 ғинуарынан Вьетнам, Һиндостан, Финляндия һәм Катар менән авиабәйләнеште тергеҙә. ТАСС агентлығының яңы коронавирус инфекцияһына ҡаршы көрәш буйынса оперштабҡа һылтанма менән хәбәр итеүенсә, Мәскәүҙән аҙнаһына бер нисә тапҡыр осоштар башҡарыла.

Башҡортостанда «Айыҡ ауыл» конкурсының республика этабы башланды. 2020 йылда унда бөтәһе 2114 ауыл ҡатнашты.

«Конкурстың муниципаль этабы тамамланды.

Киләһе аҙнаның башында Башҡортостанға Керәшен һыуыҡтары килә. Башгидрометүҙәк мәғлүмәте буйынса, дүшәмбе, 18 ғинуарҙа, һәм шишәмбе, 19 ғинуарҙа, төндә һауа температураһы -20,-25, ә урыны менән -27,-32 градусҡа тиклем түбәнәйә.

Ғинуар аҙағында депутаттар Дәүләт Йыйылышының пленар ултырышында тәүге уҡыуҙа бәлиғ булмаған инвалид бала тәрбиәләгән һәм дәүләттән бушлай ер алырға хоҡуғы булған граждандарға ҡағылышлы закон проектын ҡарай.

Башҡортостанда коронавирус ҡорбандары һаны арта. Уҙған тәүлектә инфекциянан тағы ике үлем осрағы теркәлде. 15 ғинуарға мәғлүмәттәр буйынса, вафат булғандар исемлегендә хәҙер 163 кеше иҫәпләнә.

Башҡортостанда дауахананан тыш пневмония менән ауырығандар һаны арта, тәүлек эсендә – 499 кеше. Пневмониянан һауыҡҡан пациенттар – 303. Республиканың Һаулыҡ һаҡлау министрлығы ошондай мәғлүмәттәр менән таныштырҙы.

Йома, 15 ғинуарҙа, Башҡортостанда көндәрҙең ҡапыл йылытыуы көтөлә. Синоптиктар мәғлүмәте буйынса, ике көндән һуң арктик һалҡын сигенә башлай. Уға алмашҡа юғары һауа температураһы һәм яуым-төшөм килә.

Башҡортостан Һаулыҡ һаҡлау министрлығының 13 ғинуарға мәғлүмәттәре буйынса, тәүлек эсендә республикала яңы коронавирус инфекцияһы йоҡтороуҙың 167 осрағы асыҡланған.

Башҡортостанда ҡышҡы каникулда «Ирәмәл» тәбиғәт паркына 1,5 меңдән ашыу турист килгән, тип хәбәр иттеләр республиканың Экология министрлығынан. Әйткәндәй, күп йылдар инде парк яңы йыл байрамдарында туристар араһында бик популяр.

Башҡортостандың төньяҡ-көнбайыш райондарында һауа температураһы 34 градусҡаса түбәнәйҙе.

Илеш районы Үрге Йәркәй һәм Баҡалы районы Баҡалы ауылы метеостанцияларында әлеге ваҡытта 34 градус һыуыҡ.

Шаршамбы, 13 ғинуарҙа, ил Рәсәй матбуғаты көнөн билдәләй. Бөгөн баҫма, шулай уҡ электрон киң мәғлүмәт сараларының бөтә мөхәррирҙәре, журналистары һәм фотографтары ҡотлауҙар ҡабул итә.

Башҡортостанда Һаулыҡ һаҡлау министрлығы ғинуарҙа дауахананан тыш пневмония осраҡтарының кәмеүен теркәй.

Әйтәйек, 12 ғинуарға республикала тәүлек эсендә 245 кешегә «дауахананан тыш пневмония» диагнозы ҡуйылған.

Баш ҡала мэры вазифаһын башҡарыусы Сергей Греков ҡул аҫтындағыларҙан Салауат Юлаев проспекты менән Зәки Вәлиди урамы киҫелешендәге юл үткәргесте ремонтлауға бәйле хәлде көн һайын күҙәтеп барыуҙарын һораны.

Февраль башында Башҡортостанда грипп эпидемияһының башланыуы көтөлә, тип иҫкәртә Роспотребнадзорҙың республика идаралығы.

Мэрияла уҙған оператив кәңәшмәлә ведомство етәксеһе урынбаҫары Галина Пермина хәбәр итеүенсә, әлеге ваҡытта Башҡортостанда киҫкен респиратор ауырыуҙарының артыуы билдәләнә.

Башҡортостан Һаулыҡ һаҡлау министрлығының 12 ғинуарға мәғлүмәттәре буйынса, тәүлек эсендә республикала яңы коронавирус инфекцияһын йоҡтороуҙың 167 осрағы асыҡланған.

Башгидрометүҙәк синоптиктары иҫке стиль буйынса яңы йыл төнөнә һауа торошон хәбәр итте. Белгестәр мәғлүмәттәренә ярашлы, 13 ғинуарҙан 14-енә ҡарай төндә Башҡортостан биләмәһендә термометр бағанаһы -33 градусҡа тиклем төшә.

26 ғинуарҙа Өфөлә йәш хәбәрселәрҙең беренсе республика фестивале уҙғарыла. Ойоштороусы – Башҡорт дәүләт университетының башҡорт филологияһы, шәрҡиәт һәм журналистика факультетының журналистика кафедраһы.

Башҡортостанда, республика Һаулыҡ һаҡлау министрлығының 11 ғинуарға мәғлүмәттәре буйынса, 20 901 коронавирус инфекцияһы осрағы теркәлгән. Уҙған тәүлектә 165 кеше сир йоҡторған.

Башҡортостанда сүп-сар сығарыу өсөн хаҡтар арта башлай.

Бөгөн Башҡортостан Башлығы Радий Хәбиров хөкүмәттәге оператив кәңәшмәлә ошо коммуналь хеҙмәт өсөн түләүҙе арттырырға кәрәклеге тураһында белдерҙе.

Оҙайлы яңы йыл каникулдарының республикала коронавирус буйынса эпидемиологик хәлдә кире сағылыш табыуы ихтимал, тип белдерҙе Роспотребнадзорҙың Башҡортостан буйынса идаралығы етәксеһе урынбаҫары Александр Жеребцов хөкүмәттәге оператив кәңәшмәлә.