НефАЗ модернизацияланған самосвал тағылмаһы сығара башланы

Фото:

• 

Фото:

«Нефтекама автозаводы» габарит бейеклеге 150 миллиметрға кәметелгән НефАЗ-8560 модернизацияланған самосвал тағылмаһын сығарыуға тотондо.

Предприятиенан хәбәр итеүҙәренсә, тағылманың габарит бейеклеген түбәнәйтеү тейәү кимәлен кәметергә, бушатҡанда һәм ташығанда махсус сараның тотороҡлолоғон арттырырға ярҙам итә, был үҙ сиратында хәрәкәт тиҙлеген арттырыуға булышлыҡ итәсәк.

Тағылманы модернизациялау, иң элек, уның конструкцияһын үҙгәртеү менән бәйләнгән. Электр үткәргестәр нығытмаһы ла камиллаштырылды. Етмәһә, тағылма еңелерәк тә булып ҡалды: уның массаһы 70 килограмға кәмене.