Өфөнән 10 йәшлек малай – шахбокс буйынса Рәсәй чемпионы

• 

Өфөнөң «Гастелло» спорт клубының 10 йәшлек тәрбиәләнеүсеһе Рамазан Хәйбуллин шахбокс-фит буйынса Рәсәйҙең онлайн чемпионатында еңеү яуланы.

Ярышта илдең 17 төбәгенән 67 шахбоксер ҡатнашты. Команда зачетында беренсе урынды Санкт-Петербург вәкилдәре алды, икенселә – Силәбе, өсөнсөлә – Амур өлкәһе спортсылары.

Бынан алда «Башинформ» 2020 йылдың йәйендә республикала Шахбокс федерацияһы ойошторолоуы тураһында хәбәр иткәйне. Шахбокс — боксты һәм шахмат уйынын берләштергән спорт төрө.

https://www.bashinform.ru/news/1549132-10-letniy-ufimets-stal-chempionom-rossii-po-shakhboksu-/