Башҡортостанда бер тәүлектә тағы 135 кеше — COVID-19, 417-һе пневмония менән ауырып киткән

Фото: Олег Яровиков

• 

Башҡортостанда бер тәүлектә тағы 135 кеше — COVID-19, 417-һе пневмония менән ауырып киткән Фото: Олег Яровиков

Башҡортостандың Һаулыҡ һаҡлау министрлығы мәғлүмәттәре буйынса, уҙған тәүлектә республикала тағы 135 кеше коронавирус инфекцияһын йоҡторған. Пандемия башланғандан алып Башҡортостанда сирлеләр 13 581 кеше тәшкил итә.

Әлеге көндә республика стационарҙарында 393 пациент коронавирустан дауалана. Уларҙың 36-һы – ауыр хәлдә, ә 13-ө үпкәне яһалма елләтеү аппаратына тоташтырылған.

Мең ярым самаһы кеше өй шарттарында дауалана.

«Башҡортостанда COVID-19-ҙан вафат булыу осраҡтары теркәлмәне һәм элеккесә 76 кеше тәшкил итә», — тип белдерҙеләр Һаулыҡ һаҡлау министрлығында.

Бынан тыш, тәүлек эсендә республикала 417 дауахананан тыш пневмония осрағы асыҡланған, 423 кеше дауахананан сығарылған.

  https://www.bashinform.ru/news/1526141-v-bashkirii-za-sutki-covid-19-zaboleli-eshche-135-chelovek-pnevmoniey-417/