Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 75.85

EUR 90.46

29 ноябрь, Йәкшәмбе

Уфа   °

Башҡортостан Башлығы Мостай Кәримдең тыуған көнөндә дәүләт наградалары тапшырҙы

Йәмғиәт

Бөгөн Башҡортостан Башлығы Радий Хәбиров республиканың халыҡ шағиры Мостай Кәримдең тыуыуына 101 йыл тулыу уңайынан дәүләт наградалары тапшырҙы. Күренекле яҙыусының исемен мәңгеләштереүгә тос өлөш индергәндәр халыҡ шағирының тыуған көнөндә маҡтау грамоталары, исемдәр һәм рәхмәт хаттары менән бүләкләнде.

«Башҡортостанда, Рәсәйҙә йәшәгән һәр кем өсөн Мостай Кәримдең исеме, әлбиттә, ҙур әһәмиәткә эйә. Ул – халыҡ шағиры, аҡыллы кәңәшсе, яугир-фронтовик. Республикабыҙ йәмғиәтенең әхләҡи торошона ҙур йоғонто яһаны. Ул бик ябай, изге күңелле кеше ине. Уның менән шәхсән аралашҡандарҙың күбеһе был осрашыуҙарҙы бер ҡасан да онотмай. Мин дә улар иҫәбендә, ул үҙенең кешелек сифаттары менән арбаны. Уны иҫемә төшөрһәм, күңелемә йылы булып китә», — тине Радий Хәбиров.

Республика Башлығы 2019 йылда Мостай Кәримдең тыуыуына 100 йыл тулыуға арналған сараларҙа әүҙем ҡатнашҡандарға рәхмәт әйтте, шулай уҡ «Һеңлекәш», «Өс таған» нәфис фильмдары һәм яҙыусының әҫәрҙәре буйынса спектаклдәр өҫтөндә эшләгән ижади коллективтарҙы билдәләп үтте.

«Рәсәйҙә киң прокатҡа сыҡҡан һәм тамашасылар һөйөүен яулаған «Һеңлекәш» фильмы беҙҙең республиканың ниндәй матур икәнен, һоҡланғыс кешеләр йәшәгәнен күрһәтте, – тине Радий Хәбиров. – Шул рәүешле ул Башҡортостанды федераль кимәлдә танытыу өсөн күпте эшләне».

https://www.bashinform.ru/news/1510004-glava-bashkirii-vruchil-gosudarstvennye-nagrady-v-chest-101-letiya-mustaya-karima/  

«Башинформ» мәғлүмәт агентлығы
Яндекс цитирования
Top.Mail.Ru
закрыть