Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 73.15 ↓

EUR 85.92 ↑

12 август, Шаршамбы

Уфа   °

Башҡортостанда COVID-19 арҡаһында балалар шифаханаһына беренсе заезд вахта ысулы менән ойошторолдо

Йәмғиәт

Өфө районында 4 июлдән 13-өнә тиклем балалар өсөн «Аҡбуҙат» шифаханаһына беренсе заезд ойошторолдо. 6-15 йәшлек балалар ун көн шифаханала һаулығын нығыта.

«Вожатыйҙар балалар өсөн төрлө уйын программаһы әҙерләгән. Шифаханала медицина хеҙмәте, шул иҫәптән неврологтар, педиатрҙар, психологтар, логопедтар, массажистар эшләй. Ҡыҙыҡлы аралашыуҙан тыш, балалар дауалана ла – массажға, электр менән дауалауға, дауалаусы физкультураға йөрөй, ҡымыҙ менән һыйлана», — тип һөйләне республика психоневрология шифаханаһы хеҙмәткәре Айгөл Мәмбәтова.

Башҡортостан Республикаһы һаулыҡ һаҡлау хеҙмәткәрҙәре профсоюзы мәғлүмәте буйынса, был ялдың үҙенсәлеге — вахта ысулы. Табиптар, шәфҡәт туташтары, вожатыйҙар һәм барлыҡ персонал, балалар кеүек үк, заезд буйына лагерҙа ҡала.

«Бындай һаҡлыҡ саралары Роспотребнадзор талаптарына бәйле. Шифахана-курорт картаһы менән бергә, лагерға тиклем ике көн алдан коронавирусҡа анализ һөҙөмтәһен күрһәтергә кәрәк. Йәйге кампания барышында республика профсоюз комитеты Башҡортостандың балалар шифаханаларына һәм лагерҙарына 460-тан ашыу юллама алды», — тип хәбәр иттеләр табиптар профсоюзы комитетынан.  

https://www.bashinform.ru/news/1466284-v-bashkirii-iz-za-covid-19-pervyy-zaezd-v-detskiy-sanatoriy-organizovan-vakhtovym-sposobom-/

«Башинформ» мәғлүмәт агентлығы
Яндекс цитирования
Рейтинг ресурсов "УралWeb"
закрыть