Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.18 ↓

EUR 63.22 ↑

19 ғинуар, Кесе йома

Уфа   °

Республика табиптары илдәге иң яҡшы терапевтарҙың тәүге рейтингына инде

Йәмғиәт

ӨФӨ, 2016 йыл, 19 октябрь. /«Башинформ» мәғлүмәт агентлығы, Эльмира Сабирова/.

Башҡортостан табиптары илдәге иң яҡшы терапевтарҙың тәүге рейтингына инде. Рәсәй Хөкүмәте рәйесе урынбаҫары Ольга Голодец, Рәсәй һаулыҡ һаҡлау министры Вероника Скворцова һәм «Юғары иҡтисад мәктәбе» милли тикшеренеү университеты етәкселеге ҡатнашлығындағы презентация барышында тикшеренеү һөҙөмтәләре иғлан ителде.

Тикшеренеүҙә 80 миллион самаһы кешене хеҙмәтләндергән поликлиникалар ҡатнашты. Яҡынса 47 мең терапевтың һәм дөйөм практика табибының эш һөҙөмтәләре баһаланды. Рейтингка 37 мең самаһы белгес ингән.

Рейтингтың маҡсаты — сифатлы медицина ярҙамы күрһәтеүгә стимул биреү генә түгел. Артабан уның һөҙөмтәләре табиптарҙы матди дәртләндергән саҡта иҫәпкә алынырға мөмкин.

Рәсәйҙең иң яҡшы 500 терапевы исемлегенә илдең 69 төбәгенән табиптар ингән. Башҡортостандан 15 белгес бар. Улар араһында — Өфөнән алты (18-се ҡала клиник дауаханаһы, 47-се, 50-се, 52-се поликлиникалар), Стәрлетамаҡтан дүрт (2-се ҡала дауаханаһы, 3-сө ҡала клиник дауаханаһы, 1-се клиник дауаханаһы), Нефтекаманан ике, шулай уҡ Бәләбәйҙән, Туймазынан, Асҡарҙан берешәр табип.

Вице-премьер Ольга Голодец башҡа табиптар буйынса ла ошондай рейтингтар төҙөргә тәҡдим итте. Киләсәктә уларҙың уҡытыусылар һәм мәҙәниәт хеҙмәткәрҙәре өсөн дә төҙөлөүе ихтимал.

Рейтинг Рәсәй Һаулыҡ һаҡлау министрлығы сайтында баҫылған.

Яндекс цитирования
Рейтинг ресурсов "УралWeb" -->
закрыть