5 декабрь, Дүшәмбе

14 октябрь 2016 йыл, 9:41

Башҡортостанда Федераль юл агентлығы юлдарҙа хәүефле хәлдәр тураһында иҫкәртә

фото: newsvl.ru

ӨФӨ, 2016 йыл, 14 октябрь. /«Башинформ» мәғлүмәт агентлығы, Ольга Мортазина/. Башҡортостанда Федераль юл агентлығы юлдарҙа хәүефле хәлдәр тураһында иҫкәртә. Күҙаллауҙар буйынса, был аҙнала — республикала, киләһендә Ырымбур өлкәһендә һауа температураһы түбәнәйә, ҡар ҡатыш ямғыр яуа. Юлдарҙа боҙлауыҡ булыуы ихтимал.

«Автомобиль хужаларына шиналарҙы алмаштырырға кәрәк. Федераль юлдарҙы хеҙмәтләндергән подряд ойошмалары ҡышҡы режимға күсте. Участкаларҙа эшләгән юл техникаһы менән һаҡ булыу зарур. Диспетчер хеҙмәтенең телефоны: (347) 228-12-18», — тип мөрәжәғәт иттеләр водителдәргә Башҡортостан буйынса Федераль юл хеҙмәтендә.