Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.46 ↑

EUR 69.81 ↓

22 ноябрь, Шаршамбы

Уфа   °

«Көмөш Аҡбуҙат» кинофестивалендә башҡорт режиссерҙарының өс фильмы ҡатнаша

Мәҙәниәт

ӨФӨ, 2016 йыл, 13 октябрь. /«Башинформ» мәғлүмәт агентлығы, Ләйлә Аралбаева/.

26-28 октябрҙә Өфөлә III халыҡ-ара «Көмөш Аҡбуҙат» милли һәм этник кинофестивале уҙғарыла. Конкурс программаһына 24 фильм һайлап алынған, шуларҙың туғыҙы — документаль, һигеҙе — тулы метражлы һәм етәүһе ҡыҫҡа метражлы нәфис фильм. Тәҡдим ителгән эштәрҙең географияһы киң: Монголия, Иран, Ҡаҙағстан, Афғанстан, Бангладеш, Ҡырғыҙстан, Мысыр һәм Сирия, Украина һәм Әрмәнстан, шулай уҡ Башҡортостан, Татарстан, Ҡабарҙа-Балҡар һәм илдең башҡа төбәктәре.

Программаға Башҡортостан режиссерҙарының өс эше индерелгән. Ҡыҫҡа метражлы уйын фильмдары араһында Татьяна Перцеваның «Бубен Верхнего мира» һәм Айнур Асҡаровтың «Пилорама» фильмдары бар. «Документаль фильм» номинацияһында Радик Килмәмәтовтың «Күңел йыры» фильмы тәҡдим ителгән.

Конкурстан тыш программа сиктәрендә Башҡорт киноһы көнө үтә. Был көндә Башҡортостанда төшөрөлгән иң яҡшы анимация, документаль һәм уйын фильмдары күрһәтелә. Икенсе конкурстан тыш программа — «Рәсәй төбәктәре фильмдары», унда милли һәм этник йүнәлештәге фильмдар күрһәтеү ҡаралған.

Фестивалдә «Икенсе башҡорт дебютанттар питчингы» үткәрелә. Уны Рәсәй Кинематографистар союзының Йәштәр үҙәге ойоштора.

Яндекс цитирования
Рейтинг ресурсов "УралWeb"
закрыть