Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.31 ↑

EUR 61.50 ↓

27 апрель, Кесе йома

Уфа   °

Республикала ипотека буйынса субсидияланған ставка 10 процентҡа тиклем кәметелде

Иҡтисад

ӨФӨ, 2016 йыл, 13 октябрь. /«Башинформ» мәғлүмәт агентлығы, Ольга Мортазина/.

Башҡортостанда ипотека буйынса субсидияланған ставка 10 процентҡа тиклем кәметелде. Быйыл 15 сентябрҙә республика Хөкүмәте ипотека кредиты буйынса процент ставкаһын өҫтәмә финанслау программаһын ҡабул итте. Хәҙер федераль программала ҡатнашыусылар ғәмәлдәге ставканы тағы ла ике процентҡа кәметә ала, тип аңлатма бирҙеләр Башҡортостандың Төҙөлөш һәм архитектура буйынса дәүләт комитетында. Бынан тыш, ҡайһы бер банктар үҙ продукттары буйынса өҫтәмә ташлама тәҡдим итә.

Ошо федераль программала ҡатнашыу өсөн республикала алты айҙан оҙағыраҡ  йәшәүсенең йәше 18-ҙән кәм булмаҫҡа тейеш. Субсидиялау программаһы беренсел эконом-класлы торлаҡ һатып алыуға, һумдарҙа 2016 йылдың 1 июненән һәм унан һуң төҙөлгән кредит килешеүҙәренә ҡағыла.

Программаға инеү өсөн район йәки ҡала хакимиәтенә мөрәжәғәт итергә һәм «Рәсәй ғаиләһе өсөн торлаҡ» программаһында ҡатнашыусылар составына инеү тураһында белдереү ҡағыҙы алырға кәрәк. Һуңынан программала ҡатнашыу теләге тураһында ғариза менән кредит ойошмаһына мөрәжәғәт итеү зарур. Ғаризаны 2016 йылдың 31 декабренә тиклем бирергә мөмкин.

Ипотеканы субсидиялау программаһында авария хәлендә булған һәм тиҙҙән һүтелергә тейешле йортта йәшәгән ғаиләләр, 35 йәшкә тиклемге ике бәләкәй балалы ғаиләләр, хәрби хәрәкәт ветерандары ҡатнаша ала.

Яндекс цитирования
Рейтинг ресурсов "УралWeb" -->
закрыть