9 декабрь, Йома

13 октябрь 2016 йыл, 11:38

Баш ҡала аэропортынан Белоярский ҡалаһына яңы льготалы рейс асыла

фото: Олег Яровиков

ӨФӨ, 2016 йыл, 13 октябрь. /«Башинформ» мәғлүмәт агентлығы, Ксения Калинина/. Өфө аэропортынан Белоярский ҡалаһына яңы льготалы рейс асыла. Осоштар төбәк пассажирҙар ташыуҙы субсидиялау программаһы сиктәрендә планлаштырылған һәм 24 октябрҙән башлана.

Самолет Өфөнән дүшәмбе һәм шәмбе көндәрендә иртәнге 10 тула 15 минутта оса. Белоярскийҙан — урындағы ваҡыт буйынса көндөҙгө 3-сө 10 минутта. Рейстарҙы 48 пассажирға иҫәпләнгән Ан-24 һауа судноһы башҡара.

Осош өсөн минималь тариф 2980 һум тәшкил итә. Билдәләнгән тарифтарға өҫтәмә йыйымдар ҡаралмаған, тип хәбәр иттеләр Өфө аэропортының матбуғат хеҙмәтендә.