4 декабрь, Йәкшәмбе

10 октябрь 2016 йыл, 11:48

Башҡортостан Хөкүмәтенең Шәһит Хоҙайбирҙин исемендәге премияһы лауреаттары билдәле булды

фото: Олег Яровиков

ӨФӨ, 2016 йыл, 10 октябрь. /«Башинформ» мәғлүмәт агентлығы, Әлим Фәйезов/. Башҡортостан Хөкүмәте бойороғо менән 2016 йыл өсөн Шәһит Хоҙайбирҙин исемендәге премияһына түбәндәгеләр лайыҡ булды:

Гөлназ Данилова, «Российская газета» редакцияһының Өфө филиалындағы өлкән хәбәрсе — 112-се Башҡорт кавалерия дивизияһы командиры генерал-майор Миңлеғәле Шайморатов тураһында билдәһеҙ факттарҙы асҡан материалдары өсөн;

Фәүзиә Мөхәмәтшина, «Киске Өфө» гәзите хәбәрсеһе – замандың көнүҙәк мәсьәләләрен күтәргән аналитик материалдары өсөн;

Гүзәл Хәмитова, Башҡортостан юлдаш телевидениеһы каналындағы телевидение студияһының тыуған яҡты өйрәнеү программалары бүлеге етәксеһе – «Эҙәрмән», «Позывной «Барс», «Мистик Башҡортостан» тапшырыуҙар циклы өсөн.