6 декабрь, Шишәмбе

07 октябрь 2016 йыл, 14:40

«Роснефть» «Башнефть» компанияһының контроль пакетын 329,6 миллиард һумға һатып ала

фото: The moscow post

ӨФӨ, 2016 йыл, 7 октябрь. /«Башинформ» мәғлүмәт агентлығы, Ольга Мортазина/. «Роснефть» «Башнефть» компанияһының контроль пакетын сауҙаһыҙ 329,6 миллиард һумға һатып ала. Рәсәй Хөкүмәте дәүләт компанияһының «Башнефть» акционер нефть компанияһының дәүләт ҡарамағында булған 50,08 процент акцияларын һатып алыу буйынса килешеүҙе хупланы. Документта 15 октябргә тиклем һатып алыу ҡаралған. Был хаҡта федераль киң мәғлүмәт саралары хәбәр итә.

«Башнефть» компанияһының дәүләт пакетына тәғәйенләнгән сумма — 297 миллиард һумдан 315 миллиард һумға тиклем. 1Prime агентлығы хәбәр итеүенсә, төшөп ҡалған дәғүәсе — «Лукойл» шәхси компанияһы был өлөштө 250 миллиард һумға һатып алырға йыйынған. «Башнефт»тең 25 процент акцияларына эйә булған Башҡортостан пакетты һәм дивидендтар кимәлен 2015 йылғы кимәлдә һаҡлап ҡалырға ниәтләй. Уның йомғаҡтары буйынса нефть компанияһы төбәк ҡаҙнаһына 7,25 миллиард һум аҡса индергән.