5 декабрь, Дүшәмбе

30 сентябрь 2016 йыл, 12:35

Башҡортостан Мәғариф министрлығы ҡарамағындағы Йәмәғәт советын Лида Исаргакова етәкләне

 

ӨФӨ, 2016 йыл, 30 сентябрь. /«Башинформ» мәғлүмәт агентлығы, Эльмира Сабирова/. Профсоюз федерацияһының социаль-гуманитар бүлеге мөдире, республиканың Йәмәғәт палатаһы ағзаһы, педагогия фәндәре кандидаты Лида Исаргакова Башҡортостан Мәғариф министрлығы ҡарамағындағы Йәмәғәт советы башлығы итеп тәғәйенләнде.

Быға тиклемге етәксе Михаил Бирюков вәкәләттәренең ваҡыты үтеүгә бәйле уларҙы тапшырҙы.

Белешмә. Башҡортостан Мәғариф министрлығы ҡарамағындағы Йәмәғәт советы 2013 йылда ойошторолдо. Ул саҡта советҡа республика Башлығы ҡарамағындағы Башҡортостан дәүләт хеҙмәте һәм идара итеү академияһы доценты Ғәлиә Мөхәмәтйәнова етәкселек итте. Әлеге ваҡытта ул — Башҡортостан Йәмәғәт палатаһының йәмәғәт контроле һәм йәмәғәт советтары менән үҙ-ара эш итеү буйынса комиссияһы рәйесе.