3 декабрь, Шәмбе

26 сентябрь 2016 йыл, 11:17

Бөтә Рәсәй дәүләт телерадиокомпанияһының төбәк филиалында яңы проект — «Хәбәрҙәр дежур часы» эфирға сыға

фото: «Башҡортостан» дәүләт телерадиокомпанияһы

ӨФӨ, 2016 йыл, 26 сентябрь. /«Башинформ» мәғлүмәт агентлығы, Сергей Захаров/. «Рәсәй-Башҡортостан» телеканалында яңы проект — «Хәбәрҙәр дежур часы» мәғлүмәт-хоҡуҡи тапшырыуының төбәк сығарылышы эфирға сыға башланы.

Һәр шаршамбы киске 9 тула 15 минутта журналистар тамашасыларҙы республикалағы хәл-ваҡиғалар менән таныштыра. Программа өсөн махсус рәүештә яңы студия йыһазландырылған.

«Тапшырыуҙың төп асылы — халыҡҡа үҙҙәрен борсоған проблемалар менән мөрәжәғәт итергә мөмкинлек биреү. Һәр тамашасы gtrk@gtrk.tv адресы буйынса электрон почтаға хат яҙа ала», — тип билдәләне «Дежур часы Башҡортостан» тапшырыуының алып барыусыһы Игорь Крупчинов.