3 декабрь, Шәмбе

23 сентябрь 2016 йыл, 11:57

Йомортҡа етештереү буйынса Башҡортостан илдә алдынғы урын биләүен дауам итә

фото: Олег Яровиков

ӨФӨ, 2016 йыл, 23 сентябрь. /«Башинформ» мәғлүмәт агентлығы, Галина Бахшиева/. Йомортҡа етештереү буйынса Башҡортостан илдә алдынғы урын биләүен дауам итә. Иң яҡшы бишәү иҫәбенә шулай уҡ Ростов һәм Белгород өлкәләре, Пермь һәм Краснодар крайҙары инә.

Дөйөм алғанда, ағымдағы йылдың тәүге һигеҙ айында илдә йомортҡа етештереү 3,1 процентҡа — 22,4 миллиард данаға тиклем артҡан. Был хаҡта Башҡортостан Ауыл хужалығы министрлығының матбуғат хеҙмәте хәбәр итә.

Ошо ваҡыт эсендә илдең ауыл хужалығы ойошмаларында ҡош ите етештереү 3,7 миллион тонна тәшкил иткән. Был уҙған йылға ҡарағанда 4,1 процентҡа, йәки 146,7 мең тоннаға күберәк.

Быйыл ғинуар-август айҙарында Ставрополь крайында, Брянск һәм Пенза өлкәләрендә, шулай уҡ Мордовияла һәм Сыуашстанда ҡош ите етештереү артҡан.