3 декабрь, Шәмбе

20 сентябрь 2016 йыл, 16:57

«Әбейҙәр сыуағы» былтырғы кеүек үк оҙаҡ һәм йылы булмаясаҡ – Башгидромет

фото: Олег Яровиков

ӨФӨ, 2016 йыл, 20 сентябрь. /«Башинформ» мәғлүмәт агентлығы, Гөлфиә Акулова/. Башҡортостанға бер аҙға йылы көндәр әйләнеп ҡайта. Ошо аҙнаның яртыһынан республика биләмәһендә атмосфера баҫымы күтәрелә һәм «әбейҙәр сыуағы» башлана. Һауа температураһы көндөҙ 17-22 градусҡаса етә. Синоптиктар яуым-төшөм аҙ буласаҡ тип вәғәҙәләй. 22 сентябрҙә генә республиканың күпселек райондарында йәшенле ямғырҙар көтөлә.

Дөйөм алғанда, быйыл «әбейҙәр сыуағы» тотороҡһоҙ буласаҡ, тип хәбәр иттеләр республика гидрометеорология һәм тирә-яҡ мөхит мониторингы идаралығында. Былтыр сентябрь айы эҫе булды, һауа температураһы 30 градусҡа етте.