8 декабрь, Кесе йома

18 сентябрь 2016 йыл, 16:00

Рөстәм Хәмитов һайлауҙа ҡатнашты

фото: Башҡортостан Башлығының матбуғат хеҙмәте

ӨФӨ, 2016 йыл, 18 сентябрь. /«Башинформ» мәғлүмәт агентлығы, Александр Смирнов/. 18 сентябрҙә Өфөлә Башҡортостан Башлығы Рөстәм Хәмитов Рәсәй Федераль Йыйылышының етенсе саҡырылыш Дәүләт Думаһы, шулай уҡ Өфө ҡалаһы ҡала округы Советы депутаттарын һайлауҙа ҡатнашты.

Республика етәксеһе «Башҡортостан» дәүләт концерт залында 109-сы һайлау участкаһында тауыш бирҙе.

– Илебеҙҙең миллиондарса гражданы кеүек мин дә тауыш биреүҙә ҡатнашам, – тине Рөстәм Хәмитов. – Киләсәгебеҙ бөгөн кемде һәм нисек һайлауыбыҙға бәйле. Шуға күрә депутатлыҡҡа кандидаттарҙың исемлегенә тағы ла бер тапҡыр ҡарап, дөрөҫ һайлау мөһим.

Республика Башлығы фекеренсә, быйыл һайлау кампанияһы тыныс үтә.

– Бер ниндәй ҙә баҫым юҡ. Барыһы ла тейешенсә эшләй, – тип һыҙыҡ өҫтөнә алды республика етәксеһе. – Шуға күрә әлеге кампания көсөргәнешлек, эске конфликт менән айырылып тора, тип әйтмәҫ инем. Был сәйәси мәҙәниәттең формалашыуы тураһында һөйләй. Күптәр өсөн өҫтөнлөктәр билдәләнгән, һәм мин ошо йүнәлештән тайпылыуҙар күрмәйем.