5 декабрь, Дүшәмбе

15 сентябрь 2016 йыл, 16:43

Республикала БДИ-ның сентябрь этабының нисек уҙыуы билдәле булды

фото: Олег Яровиков

ӨФӨ, 2016 йыл, 15 сентябрь. /«Башинформ» мәғлүмәт агентлығы, Эльмира Сабирова/. Асыҡлыҡты тәьмин итеү өсөн имтихандарҙы ойоштороу буйынса ҙур әҙерлек эше башҡарылған, шуға күрә бер ниндәй ҙә тәртип боҙоуҙар теркәлмәне, тип билдәләне республика Мәғариф министрлығының бүлек мөдире Жанна Миникеева.

Рус теле һәм математика буйынса имтихандарҙа (база кимәле) 160-ҡа яҡын кеше ҡатнашты. Улар — бер йә иһә ике мотлаҡ предмет буйынса ҡәнәғәтләнерлек билдәһен алмаған уҡыусылар. Берҙәм дәүләт имтиханы Өфөләге 100-сө мәктәптә үткәрелде.