Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.46 ↑

EUR 69.81 ↓

22 ноябрь, Шаршамбы

Уфа   °

Быйыл республиканың юл хужалығына 15 миллиард һум йүнәлтелгән – Рөстәм Хәмитов

Иҡтисад

ӨФӨ, 2016 йыл, 15 сентябрь. /«Башинформ» мәғлүмәт агентлығы, Александр Смирнов/.

2016 йылда Башҡортостандың юл хужалығы 15 миллиард һум аласаҡ. Республика Башлығы Рөстәм Хәмитов Күмертау һәм Көйөргәҙе районы активтары менән осрашыуҙа ошо хаҡта белдерҙе.

– Республика буйлап күп йөрөйөм һәм юлдарҙың яңыртылыуын күрәм. Быйыл юл хужалығына 15 миллиард һум бүленә. Нигеҙҙә, бөтә аҡса ремонт, тергеҙеү эштәренә йүнәлтелә. Башҡортостандың юл хужалығы бер ҡасан да шунса аҡса күрмәне. Беҙ 10-11 миллиард һум кимәлендә эшләнек, – тине республика етәксеһе. – М5 һәм М7 федераль трассаларын төҙөү өсөн дә 7-8 миллиард һум инвестиция бар. Шулай итеп, 20 миллиард һумдан ашып китә.

Республика Башлығы әйтеүенсә, Башҡортостанда юлдарҙың оҙонлоғо – 50 мең километрҙан ашыу, шуларҙың 30-35 проценты ғына нормаға тап килә.

– Тиҫтә йылдар буйына яраҡһыҙға әйләнгән юлдарҙы бер көн йәки йыл эсендә эшләү мөмкин түгеллеген аңларға кәрәк. Мин юлсыларҙы яҡламайым. Улар минән тәнҡит һүҙҙәре генә ишетә. Был эште беләбеҙ, аңлайбыҙ һәм бөтә юлдарҙы тәртипкә килтереү өсөн тырышабыҙ, – тип һыҙыҡ өҫтөнә алды Рөстәм Хәмитов. – Ошо йәһәттән алға табан барабыҙ. Барыһын да үҙегеҙ күреп тораһығыҙ. Әммә был ғына аҙ. Тимәк, әһәмиәтлерәк юл фондтарын булдырырға кәрәк. Өҫтәүенә, яңы технологияларҙы үҙләштереү, заманса композиция материалдарын ҡулланыу мөһим. Шул саҡта бергәләп юл хужалығындағы хәлде яйға һаласаҡбыҙ.

Яндекс цитирования
Рейтинг ресурсов "УралWeb"
закрыть