10 декабрь, Шәмбе

13 сентябрь 2016 йыл, 17:00

Латвия башҡорттары Ҡорбан байрамын күмәк намаҙ менән билдәләне

фото: Рина Хәмитова

ӨФӨ, 2016 йыл, 13 сентябрь. /«Башинформ» мәғлүмәт агентлығы, Арина Рәхимҡолова/. Латвия башҡорттары һәм татарҙары Ҡорбан байрамын билдәләне. Сара Рига ҡалаһында Латвияның милли-мәҙәни ойошмалар ассоциацияһы майҙансығында ойошторолдо. Был хаҡта «Салауат Юлаев» Балтик халыҡ-ара үҙәге рәйесе Рина Хәмитова хәбәр итте.

Байрам намаҙын «Иҙел» Рига мосолмандар йәмғиәте имам-хатибы Миҙхәт Сатданов уҡыны. Ул диндарҙарға вәғәз һөйләне.

«Ҡорбан байрамы — изге ғәмәлдәр ҡылыу, мохтаждарға ярҙам итеү, яҡындарыбыҙ менән аралашыу ул. Һәммәһенә лә был көндө дуҫтары һәм яҡындары менән үткәреүен теләйем», — тип мөрәжәғәт итте ул йыйылыусыларға.

Байрамды ойоштороусылар — «Иҙел» Латвия татарҙары ойошмаһы, «Иҙел» Рига мосолмандар йәмғиәте һәм «Салауат Юлаев» Балтик халыҡ-ара үҙәге етәкселәре.