10 декабрь, Шәмбе

08 сентябрь 2016 йыл, 10:32

Өфөлә баш һәм муйын яман шешен бушлай диагностикалау көндәре уҙа

 

ӨФӨ, 2016 йыл, 8 сентябрь. /«Башинформ» мәғлүмәт агентлығы, Эльмира Сабирова/. Өфө IV Европа баш һәм муйын яман шешен иртә диагностикалау аҙналығында ҡатнаша. 15-16 сентябрҙә иртәнге сәғәт 9-ҙан 3-кә тиклем белгестәрҙән бушлай кәңәштәр алырға мөмкин, тип хәбәр итә «Бергәләп яман шешкә ҡаршы» фонды.

Алдан яҙылырға кәрәкмәй. Белешмә өсөн телефон: 216-36-71. Үҙең менән паспорт талап ителә.

15 сентябрҙә Муниципаль-ара онкология үҙәктәрендә (32-се, 43-сө, 13-сө, 50-се, 48-се поликлиникалар эргәһендә) тикшереүҙәр уҙғарыла, 16-да Республика клиник онкология диспансеры поликлиникаһында ауыр сирлеләр ҡабул ителә. Адресы: Октябрь проспекты, 73/1.

Акция Владивосток, Волгоград, Краснодар, Красноярск, Мәскәү, Нижневартовск, Пермь, Петропавловск-Камчатский, Һамар, Санкт-Петербург, Сорғот ҡалаларында ойошторола. Уның сиктәрендә табиптар өсөн лекциялар, семинарҙар һәм оҫталыҡ дәрестәре үткәрелә.

Тулыраҡ мәғлүмәтте 8-800-505-89-47 телефоны буйынса (шылтыратыу бушлай) йәки www.днидиагностики.рф сайтында алырға мөмкин.

темалар: һаулыҡ һаҡлау