11 декабрь, Йәкшәмбе

07 сентябрь 2016 йыл, 9:50

Баш ҡалала «Өфө йүкәләре» һаулыҡ һуҡмағы асылды

фото: Олег Яровиков

ӨФӨ, 2016 йыл, 7 сентябрь. /«Башинформ» мәғлүмәт агентлығы, Дмитрий Слезин/. 6 сентябрҙә Өфөлә Рихард Зорге урамындағы урман массивында «Өфө йүкәләре» һаулыҡ һуҡмағы асылды.

Юлдың оҙонлоғо ике саҡрым самаһы тәшкил итә. Уның башланғыс нөктәһе – автомобилдәр өсөн парковка, унан һуң велосипедсылар һәм йәйәүлеләр юлы башлана. Артабан һуҡмаҡ урман эсенә инеп китә, унда велосипедсылар юлы янында футбол майҙансығы һәм турник гимнастика комплексы ойошторолған, — тип һөйләнеләр ҡала хакимиәтендә.

Киләсәктә мангал зонаһын, тәбиғи шишмә эргәһендәге биләмәне һәм Ағиҙел йылғаһына ҡарау майҙансығын төҙөкләндереү күҙаллана.