10 декабрь, Шәмбе

05 сентябрь 2016 йыл, 14:49

Өфөлә «Баллы төбәк» йәрминкәһе ойошторола

фото: Андрей Старостин

ӨФӨ, 2016 йыл, 5 сентябрь. /«Башинформ» мәғлүмәт агентлығы, Галина Бахшиева/. 10 сентябрҙә Өфөнөң И.Яҡутов исемендәге паркында республика умартасылары ҡатнашлығында «Баллы төбәк» йәрминкәһе ойошторола.

Өфө хакимиәтенең матбуғат хеҙмәтендә хәбәр итеүҙәренсә, быйылғы йәрминкәлә умартасылыҡ буйынса бушлай кәңәштәр һәм оҫталыҡ дәрестәре ҡаралған. Һорауҙарға Башҡорт дәүләт аграр университеты профессорҙары, шулай уҡ ветеринар-санитар экспертиза лабораторияһы вәкилдәре яуап бирә.

Йәрминкәлә балдың сифатын һәм уның төрөн тикшерергә мөмкин.

Йәрминкәне ойоштороусылар — Башҡортостандың Умартасылыҡ һәм апитерапия буйынса ғилми-тикшеренеү үҙәге менән берлектә Өфөнөң Совет районы хакимиәте.

темалар: йәрминкә, бал