7 декабрь, Шаршамбы

30 август 2016 йыл, 15:55

Өфөләрҙе Террорға ҡаршы көрәш буйынса теләктәшлек көнө уңайынан концертҡа саҡыралар

 

ӨФӨ, 2016 йыл, 30 август. /«Башинформ» мәғлүмәт агентлығы, Ләйлә Аралбаева/. 3 сентябрҙә М.В.Нестеров исемендәге Башҡорт художество музейында Террорға ҡаршы көрәш буйынса теләктәшлек көнөнә арналған концерт була.

«Матурлыҡ донъяны ҡотҡарыр» тип аталған программала Башҡорт дәүләт опера һәм балет театры солистары башҡарыуында романстар яңғырай. Башҡортостандың атҡаҙанған артистары Татьяна Михайлюк, Татьяна Мамедова, Вера Ромашова, Светлана Закирйәнова һәм скрипкасы Лена Самойлова сығыш яһай. Концертмейстер — Наталия Кочурова. Концертты Башҡортостандың атҡаҙанған мәҙәниәт хеҙмәткәре Виктория Симонова үткәрә.  

Сара көндөҙгө сәғәт 4-тә башлана.

Иҫтәлекле дата 12 йыл элек Беслан ҡалаһының 1-се мәктәбендә балаларҙы, ата-әсәләрҙе һәм уҡытыусыларҙы аманатҡа алыу һөҙөмтәһендә 334 кеше һәләк булған фажиғәле ваҡиғаларға бәйле.