Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 60.00 ↑

EUR 66.79 ↓

22 июнь, Кесе йома

Уфа   °

Өфөлә Квартет төнө классик музыка һөйөүселәрҙе йыйҙы

Мәҙәниәт

ӨФӨ, 2016 йыл, 26 август. /«Башинформ» мәғлүмәт агентлығы, Ләйлә Аралбаева/.

Өфөлә «Аллеялағы музыка» фестивале тамамланды. Рөстәм Сөләймәнов квартетының киске концерттары «Башҡортостан» лайфстайл үҙәге майҙанында уҙҙы. Квартет төнө фестивалдең иң юғары нөктәһе булды.

Концерттың тәүге бүлегендә Антонио Вивальдиҙың «Йыл миҙгелдәре» яңғыраны. Икенсеһендә музыканттар И.С.Бах, И.Пахельбель, П.Чайковский, А.Пьяццолла, Э. ди Капуа, Н.Ротаның әҫәрҙәрен башҡарҙы. Рөстәм Сөләймәнов, Нурия Солтаншина (скрипка), Татьяна Давыдова (альт), Александра Кондукторова (виолончель) һәм Юлия Абросимова (пианино) тамашасыларға музыкаль асыштар бүләк итте.

Өфөләр популяр классиканы яратып тыңланы, аралашты. Күптәр ғаиләләре менән килгән. Тыңлаусылар әйтеүенсә, асыҡ һауалағы концерттар балаларҙы академик музыкаға йәлеп итеү өсөн бик уңайлы.

Фестиваль идеяһының авторы — дирижер һәм скрипкасы, квартет етәксеһе, Н.Жиганов исемендәге Ҡазан консерваторияһы ассистенты Рөстәм Сөләймәнов. «Өфөләргә был концертты яңы ижад миҙгеле башланыр алдынан бүләк иттек, алда — Өфөлә, Ҡазанда, Хабаровскиҙа көҙгө концерттар», — тине Рөстәм Сөләймәнов.

Яндекс цитирования
Рейтинг ресурсов "УралWeb" -->
закрыть