3 декабрь, Шәмбе

24 август 2016 йыл, 15:01

Республикала балалар ислам нигеҙҙәрен һәм Ҡөрьән сүрәләрен белеүен күрһәтәсәк

фото: Зөфәр Тимербулатов

ӨФӨ, 2016 йыл, 24 август. /«Башинформ» мәғлүмәт агентлығы, Әлим Фәйезов/. Аҙна аҙағында Өфөләге «Ләлә-Тюльпан» мәсетендә балалар һәм үҫмерҙәр араһында «Мин исламды өйрәнәм» конкурсы үтә. Сара 13-сө тапҡыр ойошторола, уның маҡсаты — традицион исламдың юғары әхлаҡи принциптары нигеҙендә балаларға рухи тәрбиә биреү. Ойоштороусы булып М.Аҡмулла исемендәге БДПУ-ның Мосолман мәғарифын үҫтереүҙең тикшеренеү үҙәге ярҙамында Рәсәй мосолмандары Үҙәк диниә назаратының Рәсәй ислам университеты сығыш яһай.

Әле үк Башҡортостандың төрлө төбәктәренән, шулай уҡ күрше республика һәм өлкәләрҙән 300-ҙән ашыу бала конкурста ҡатнашырға теләк белдергән.

БДПУ-ның Мосолман мәғарифын үҫтереүҙең тикшеренеү үҙәгенең ғилми хеҙмәткәре Зөфәр Тимербулатов хәбәр итеүенсә, еңеүселәр өс номинация буйынса билдәләнә. Уларҙың һәр береһе минималь белем күләме, Ҡөрьән сүрәләрен яттан һөйләү менән айырылып тора.