9 декабрь, Йома

24 август 2016 йыл, 9:24

2016 йылдың икенсе кварталында республикала йәшәү минимумы 8839 һум тәшкил итте

фото: Олег Яровиков

ӨФӨ, 2016 йыл, 24 август. /«Башинформ» мәғлүмәт агентлығы, Олеся Серёгина/. Башҡортостан Хөкүмәте ҡарары менән 2016 йылдың беренсе кварталында халыҡтың йән башына йәшәү минимумы 8839 һум күләмендә билдәләнде.

Эшкә һәләтле халыҡ өсөн ул — 9363, пенсионерҙарға — 7167 һәм балаларға 9018 һум тәшкил итә.

Йәшәү минимумы дәүмәле өс ай һайын төбәктә ҡулланыу кәрзине һәм  Башҡортостанстаттың аҙыҡ-түлеккә, башҡа тауарҙарға, хеҙмәттәргә ҡулланыу хаҡтары кимәле тураһындағы мәғлүмәттәре нигеҙендә билдәләнә, тип иҫкә төшөрҙөләр республика Хөкүмәтенең матбуғат хеҙмәтендә.  

«Башинформ» агентлығы хәбәр иткәнсә, 2016 йылдың беренсе кварталында халыҡтың йән башына йәшәү минимумы 8691 һум тәшкил итте. Эшкә һәләтле халыҡ өсөн ул — 9205, пенсионерҙарға — 7061 һәм балаларға 8856 һум булды.