5 декабрь, Дүшәмбе

22 август 2016 йыл, 16:08

Төбәктә Өфө — Иглин — Красная Горка — Павловка юлында хәрәкәт ябылған

фото: Башҡортостандың Транспорт һәм юл хужалығы буйынса дәүләт комитеты

ӨФӨ, 2016 йыл, 22 август. /«Башинформ» мәғлүмәт агентлығы, Галина Бахшиева/. Башҡортостанда Өфө — Иглин — Красная Горка — Павловка автомобиль юлының 6,679 саҡрымында Тауыш йылғаһындағы күперҙе ремонтлауға бәйле Өфө районында Кириллово — Иглин районы сиге участкаһында хәрәкәт ябылған. Автомобиль хәрәкәте 30 октябргә тиклем ябыҡ буласаҡ.

Транспорт һәм юл хужалығы буйынса дәүләт комитетының матбуғат хеҙмәтендә аңлатыуҙарынса, Өфөнән Иглин районына юл тотоусыларға ремонт участкаһын Һамар — Өфө — Силәбе федераль М-5 «Урал» трассаһы аша урап үтергә кәрәк. Дорогино, Кириллово һәм Грибовка ауылдарында йәшәүселәр Өфөнән ҡайтҡанда ғәҙәти маршрут менән файҙалана ала.