3 декабрь, Шәмбе

17 август 2016 йыл, 15:31

Республикала асыҡ һауала «Диско-төн» ойошторола

 

ӨФӨ, 2016 йыл, 17 август. /«Башинформ» мәғлүмәт агентлығы, Ләйлә Аралбаева/. 27 августа Башҡортостанда «Диско-төн» республика йәштәр акцияһы уҙа. Дискотекалар республиканың барлыҡ район һәм ҡалаларында ойошторола.

Йәштәр акцияһында ди-джейҙар, бейеүселәр һәм 16 йәштән өлкән һәр кем ҡатнаша ала. «Диско-төн» барышында флешмобтар, викториналар, лотереялар һәм конкурстар үткәрелә. Конкурс тураһында положение Республика халыҡ ижады үҙәге сайтының «Конкурстар һәм фестивалдәр» бүлегендә бирелгән.

Республика халыҡ ижады үҙәгенең матбуғат хеҙмәтендә хәбәр итеүҙәренсә, сараның төп бурысы — йәштәрҙең ялын ойоштороу, музыка тыңлау, ҡатнашыусыларҙың тәртибенә социаль контроль.

Акцияны ойоштороусылар — Башҡортостандың Мәҙәниәт министрлығы, Республика халыҡ ижады үҙәге, муниципаль берәмек хакимиәттәре.