5 декабрь, Дүшәмбе

15 август 2016 йыл, 14:25

Өфөлә август айында өсөнсө тапҡыр температура рекорды ҡуйылды

фото: Олег Яровиков

ӨФӨ, 2016 йыл, 15 август. /«Башинформ» мәғлүмәт агентлығы, Ольга Мортазина/. Өфөлә август айында өсөнсө тапҡыр температура рекорды ҡуйылды. Башгидромет мәғлүмәттәре буйынса, 14 августа Өфө-Дим метеостанцияһында сираттағы тапҡыр һауа температураһы рекорды теркәлде. Термометр 34,2 градус күрһәтте. 2013 йылдағы рекорд – 32,4.

Өфө-Гидрометүҙәк посында – 34,4, Өфө – Авиация метеорология станцияһында 33,7 градус булды.

12 август республикала иң эҫе көн булараҡ теркәлде: көньяҡта һәм көнбайышта һауа температураһы 36-37 градусҡа етте. Мәҫәлән, Федоровкала +36, Раевкала +36,9, Мәләүездә +37 градус эҫе булды.