8 декабрь, Кесе йома

10 август 2016 йыл, 16:37

Республикала һалым инспекцияһы 999 фирмала «һоро» эш хаҡын законлаштырҙы

фото: Андрей Старостин

ӨФӨ, 2016 йыл, 10 август. /«Башинформ» мәғлүмәт агентлығы, Ольга Мортазина/. Республикала һалым инспекцияһы 999 фирмала «һоро» эш хаҡын законлаштырҙы. Башҡортостан буйынса Федераль һалым хеҙмәте идаралығында хәбәр итеүҙәренсә, физик берәмектәрҙең килеменә һалым буйынса ҡаҙнаға керемдәрҙе арттырыу саралары барышында инспекторҙар граждандарҙың мөрәжәғәттәре буйынса эшләй, шулай уҡ эшмәкәрлек алып барған, әммә эш хаҡын түләмәгән фирмаларҙы тикшерә.

Һөҙөмтәлә хеҙмәткә түләү фонды артты, ҡаҙнаға яҡынса 16 миллион һумлыҡ физик берәмектәрҙең килеменә һалым инде.