4 декабрь, Йәкшәмбе

04 август 2016 йыл, 17:07

Роберт Юлдашевтың «Ҡурайсы» төркөмө — «Russian World Music Awards» премияһына дәғүәселәр араһында лидер

 

ӨФӨ, 2016 йыл, 4 август. /«Башинформ» мәғлүмәт агентлығы, Ләйлә Аралбаева/. Танылған ҡурайсы Роберт Юлдашев һәм «Ҡурайсы» төркөмө профессиональ музыканттар араһында этник музыка өлкәһендәге «Russian World Music Awards» премияһына дәғүә итә. Әлеге ваҡытта башҡорт төркөмө тамашасыларҙың тауыш биреүе буйынса тәүге урынға сыҡты.

«Ҡурайсы» өсөн «Бәйләнештә» социаль селтәрендәге рәсми төркөмдә тауыш бирергә мөмкин. Дәғүәселәр араһында Өфө йырсыһы Екатерина Ямщикова, «Haua» төркөмө һәм «Zaman» этно-проекты бар.

Жюри 2016 йылдың 1 сентябренә тиклем эшләй, октябрҙә еңеүселәрҙе бүләкләү була. Баһалама ағзаларының эшен премияның сайтында күҙәтеп барырға мөмкин. «Бәйләнештә» иң күп «лайк» йыйған төркөмгә тамашасылар һөйөүе призы бирелә.