4 декабрь, Йәкшәмбе

04 август 2016 йыл, 11:33

Россельхознадзор Босния һәм Герцеговинанан йәшелсә, еләк-емеш индереүҙе тыйҙы

фото: Олег Яровиков

ӨФӨ, 2016 йыл, 4 август. /«Башинформ» мәғлүмәт агентлығы, Галина Бахшиева/. 4 августан Россельхознадзор Рәсәйгә, шул иҫәптән өсөнсө илдәр аша, Босния һәм Герцеговинанан йәшелсә, еләк-емеш индереүҙе ваҡытлыса тыйҙы. Был хаҡта Россельхознадзор идаралығының матбуғат хеҙмәте хәбәр итә.

Рәсәйгә Босния һәм Герцеговинанан продукция индереүҙең артыуы, ошо илдәрҙең фитосанитар торошо тураһында мәғлүмәттең юҡлығы шундай ҡарар ҡабул итеүгә сәбәпсе булды.

Ведомство белдереүендә билдәләнеүенсә, Босния һәм Герцеговина фитосанитар контроль системаһы менән танышыу өсөн Россельхознадзорҙың делегацияһын ҡабул итеүҙән баш тартҡан.