4 декабрь, Йәкшәмбе

30 июнь 2016 йыл, 15:46

Быйыл уҡытыусыларҙың август кәңәшмәһе Өфөлә үтә

фото: Олег Яровиков

ӨФӨ, 2016 йыл, 30 июнь. /«Башинформ» мәғлүмәт агентлығы, Эльмира Сабирова/. Быйыл уҡытыусыларҙың август кәңәшмәһе Өфө ҡалаһында үтә. 8-11 августа — түңәрәк өҫтәлдәр, оҫталыҡ дәрестәре һәм фекер алышыу майҙансыҡтары, 12-дә Конгресс-холда пленар ултырыш үткәреү ҡаралған.

Сараларҙы баш ҡалалағы 11 белем биреү учреждениеһында: 39-сы һәм 3-сө гимназияларҙа, 5-се һәм 83-сө лицейҙарҙа, 7-се, 27-се, 45-се һәм 159-сы урта дөйөм белем биреү мәктәптәрендә, 102-се башҡорт гимназияһында, 48-се балалар баҡсаһында һәм В.М.Комаров исемендәге балалар ижады һарайында ойошторорға ниәтләйҙәр, тип хәбәр иттеләр Өфө хакимиәтенең матбуғат хеҙмәтендә.