8 декабрь, Кесе йома

29 июнь 2016 йыл, 11:46

Башҡортостанда иң оҫта ҡымыҙсыны һайлайҙар

фото: Олег Яровиков

ӨФӨ, 2016 йыл, 29 июнь. /«Башинформ» мәғлүмәт агентлығы, Галина Бахшиева/. Башҡортостанда иң яҡшы ҡымыҙ яһаусыны һәм йылҡы көтөүсене һайлайҙар. Бөгөн, 29 июндә, Баймаҡ районында ҡымыҙсыларҙың һәм йылҡысыларҙың ХI республика конкурсы ойошторола.

Конкурстың төп маҡсаты — үҙ һөнәрендә көслөләрҙе асыҡлау, ҡымыҙ етештереү технологияһында алдынғы тәжрибә менән уртаҡлашыу, шулай уҡ ҡымыҙ яһаусы һәм йылҡы көтөүсе һөнәрен популярлаштырыу.

Башҡортостан Ауыл хужалығы министрлығының матбуғат хеҙмәтендә хәбәр итеүҙәренсә, ҡатнашыусыларҙы конкурстың теоретик һәм практик этаптары көтә. Бынан тыш, улар Баймаҡ районының бер нисә хужалығына барасаҡ, унда һауын бейәләре, ҡолон аҫрау, бейә һауыу һәм ҡымыҙ бешеү технологияһы менән танышасаҡ.