7 декабрь, Шаршамбы

22 июнь 2016 йыл, 16:11

Башҡортостан режиссерының «Хоҙай һине һаҡлаһын» проекты ил кимәлендәге дебютанттар питчингында приз яуланы

фото: йәш кинематографистар өсөн портал

ӨФӨ, 2016 йыл, 22 июнь. /«Башинформ» мәғлүмәт агентлығы, Ләйлә Аралбаева/. Мәскәүҙә «Ҡыҫҡа метражлы кино» номинацияһында VII дебютанттар питчингына йомғаҡ яһалды. Кино йортоноң ҙур залында эксперттар еңеүселәрҙе иғлан итте. Йәш кинематографистар өсөн портал хәбәр итеүенсә, Башҡортостандан йәш режиссер Камилә Далгычтың «Хоҙай һине һаҡлаһын» проекты өсөнсө урынға лайыҡ булды. Башҡорт режиссерына «Graphic Storm» компанияһынан сертификат тапшырылды.

Проекттың сценарий авторы һәм режиссеры — Камилә үҙе, ҡуйыусы операторы — Артем Айсин.

Дебютанттар питчингының эксперттар комиссияһында Рәсәй Кинематографистар союзының Мәскәүҙәге ойошмаһы рәйесе, режиссер Евгений Герасимов, Рәсәй Кинематографистар союзының Йәштәр үҙәге идараһы рәйестәше, продюсер Филипп Абрютин, продюсер һәм режиссер Лика Алексеева һәм башҡа билдәле кинематографистар эшләне.

темалар: кино