6 декабрь, Шишәмбе

22 июнь 2016 йыл, 13:54

Төбәктә фатир өсөн түләү уртаса 10 процентҡа арта

фото: Олег Яровиков

ӨФӨ, 2016 йыл, 22 июнь. /«Башинформ» мәғлүмәт агентлығы, Ольга Мортазина/. Башҡортостанда фатир өсөн түләү уртаса 10 процентҡа арта. 1 июлдән төрлө ҡала һәм райондарҙа коммуналь хеҙмәттәр өсөн тарифтар 8-12 процентҡа күтәрелә. Ошо хаҡта Дәүләт Йыйылышының Торлаҡ сәйәсәте һәм инфраструктура үҫеше буйынса комитеты ултырышында Башҡортостандың Тарифтар буйынса дәүләт комитеты рәйесе Ирина Васимирская хәбәр итте.  

Һалҡын һыуҙың кубометры 22,21 һум буласаҡ. Һыу бүлеү — 20,47 һум. Былтыр ошо ставкалар 21,16 һәм 18,44 һум тәшкил иткәйне.

Электр плиталары булмаған өйҙәрҙә электр энергияһының бер киловаты 2,74 һум тәшкил итәсәк (былтыр — 2,55 һум). Электр плиталары булған өйҙәрҙә йәшәүселәр бер киловатт-сәғәт өсөн 1,92 һум түләйәсәк.