6 декабрь, Шишәмбе

20 июнь 2016 йыл, 9:54

Рөстәм Хәмитов республика медицина ойошмаларының кадрҙар ҡеүәтен нығытыу буйынса саралар тураһында Указға ҡул ҡуйҙы

фото: Олег Яровиков

ӨФӨ, 2016 йыл, 20 июнь. /«Башинформ» мәғлүмәт агентлығы, Александр Смирнов/. Башҡортостан Башлығы Рөстәм Хәмитов республика медицина ойошмаларының кадрҙар ҡеүәтен нығытыу буйынса саралар тураһында Указға ҡул ҡуйҙы.

Документҡа ауыл ерендә урынлашҡан медицина ойошмаларын юғары квалификациялы белгестәр менән тәьмин итеү маҡсатында ҡул ҡуйылған.

Указға ярашлы, 2016 йылдың 1 ғинуарынан фельдшер-акушерлыҡ пунктына эшкә килгән фельдшерҙарға 500 мең һум аҡса түләү ҡарала. Медицина хеҙмәткәрҙәре унда биш йыл эшләргә тейеш.

Башҡортостан Хөкүмәтенә ошо сығымдарҙы финанслау сығанаҡтарын билдәләргә, бер тапҡыр бирелә торған түләүҙең тәртибен һәм шарттарын раҫларға ҡушылған.