Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.89 ↑

EUR 69.42 ↓

16 декабрь, Шәмбе

Уфа   °

Республикала вакансиялар һаны артҡан

Иҡтисад

ӨФӨ, 2016 йыл, 16 июнь. /«Башинформ» мәғлүмәт агентлығы, Галина Бахшиева/.

Йыл башы менән сағыштырғанда, республикала «рәсми» вакансиялар һаны 23 меңдән 36 меңгә тиклем артҡан. Йыл башынан хеҙмәт баҙарында көсөргәнешлек коэффициенты 1,2-нән 0,8-гә тиклем кәмегән.

Башҡортостан Хеҙмәт һәм халыҡты социаль яҡлау министрлығының матбуғат хеҙмәтендә хәбәр итеүҙәренсә, бөгөн республикала рәсми рәүештә теркәлгән 25,6 меңдән ашыу эшһеҙ иҫәпләнә, йәғни йыл башы менән сағыштырғанда 1,8 процентҡа кәмерәк.

Ошо ваҡыт эсендә 35 муниципалитетта эшһеҙҙәр һаны кәмегән. Бындай күренеш айырыуса Нефтекамала, Сибайҙа, шулай уҡ Стәрлебаш, Федоровка, Ҡариҙел, Бишбүләк, Ауырғазы һәм Ғафури райондарында теркәлгән.

Республиканың 27 ҡала һәм райондарында, киреһенсә, эшһеҙҙәр артҡан. Күбеһе — Туймазыла, Октябрьскийҙа, Салауатта, шулай уҡ Илеш, Ейәнсура, Шаран, Бүздәк һәм Архангел райондарында.

Быйыл февраль-апрель айҙарында эшсе көстәрҙе тикшереү һөҙөмтәләре буйынса Башҡортостанда 124 мең эшһеҙ кеше иҫәпләнгән (былтыр — 131 мең). Дөйөм эшһеҙлек кимәле иҡтисади яҡтан әүҙем халыҡ һанынан 6,3 процент тәшкил иткән. Ил буйынса был күрһәткес 5,9 процентҡа тиң, Волга буйы федераль округында — 5,2 процент.

Яндекс цитирования
Рейтинг ресурсов "УралWeb"
закрыть