6 декабрь, Шишәмбе

15 июнь 2016 йыл, 9:58

Синоптиктар был аҙнала көндәрҙең эҫе буласағын фаразлай

фото: Олег Яровиков

ӨФӨ, 2016 йыл, 15 июнь. /«Башинформ» мәғлүмәт агентлығы, Гөлфиә Акулова/. Синоптиктар фаразлауынса, был аҙнала Башҡортостанда көндәр йәйгесә йылы торасаҡ. Һауа температураһы яйлап ҡына күтәреләсәк, көндөҙ 30 градусҡа тиклем. Республиканың ҡайһы бер райондарында ҡыҫҡа ваҡытлы ямғыр яуасаҡ, төбәктең күпселек өлөшөндә яуым-төшөм көтөлмәй.

Шаршамбы, 15 июндә, һауа температураһы төндә 11-16 градус тәшкил итәсәк, төньяҡ һәм таулы райондарҙа +6 градусҡаса, көндөҙ 27 градусҡа тиклем. Кесаҙна, 16 июндә, урыны менән бер аҙ ямғыр яуыуы ихтимал. Төндә шулай уҡ 11-16 градус, төньяҡ һәм таулы райондарҙа +6 градусҡа тиклем. Көндөҙ иһә 27 градус һәм юғарыраҡ.

Рәсәй Гидрометүҙәге мәғлүмәттәре буйынса, июндең икенсе декадаһында Башҡортостанда көндәр йылы торасаҡ. Уртаса һауа температураһы күп йыллыҡ күрһәткестәрҙән ике градусҡа юғарыраҡ булмаҡсы.