2 декабрь, Йома

08 июнь 2016 йыл, 16:49

Илдә хәүефле йөрөтөү тураһында Юл хәрәкәте ҡағиҙәләренә төҙәтмәләр үҙ көсөнә инде

фото: Олег Яровиков

ӨФӨ, 2016 йыл, 8 июнь. /«Башинформ» мәғлүмәт агентлығы, Әлим Фәйезов/. Бөгөн, 8 июндә, хәүефле йөрөтөү тураһында Юл хәрәкәте ҡағиҙәләренә төҙәтмәләр үҙ көсөнә инде.  

Рәсәй Хөкүмәте ҡарарында «хәүефле йөрөтөү» терминына аңлатма бирелгән. Тейешле урындарҙа башҡа автомобилдәргә юл бирмәү, ҡапыл әкренәйеү, хәүефһеҙ дистанцияны тотмау кеүек күренештәр машина менән хәүефле идара итеү тип иҫәпләнә ала, тиелә унда.

Асыҡ хөкүмәт сайтында ошо темаға видеояҙмалар ҡарарға мөмкин.

Алдараҡ хоҡуҡ боҙоусыларға биш мең һум штраф һалыу ҡаралғайны. Штраф күләме тураһында аныҡ ҡарар көҙ көнө ҡабул ителә.