11 декабрь, Йәкшәмбе

06 июнь 2016 йыл, 17:38

Башҡорт йырсыһы Марсель Ҡотоев «Жайыҡ DAUYSY» халыҡ-ара конкурсында лауреат булды

 

ӨФӨ, 2016 йыл, 6 июнь. /«Башинформ» мәғлүмәт агентлығы, Ләйлә Аралбаева/. Башҡорт йырсыһы, Башҡорт дәүләт филармонияһы солисы Марсель Ҡотоев «Жайыҡ DAUYSY» халыҡ-ара музыка фестивале лауреаты тип танылды. Ошо көндәрҙә Ҡаҙағстандың Атырау ҡалаһында конкурс тамамланды.

Продюсер Зәлифә Барлыбаева хәбәр итеүенсә, бәйгелә Марсель Ҡотоев «Уралым» йырын һәм «Бабалар» исемле ҡаҙаҡ халыҡ йырын башҡарған. Конкурста Ҡаҙағстан, Рәсәй, Азербайжан, Ҡырғыҙстан, Украина вәкилдәре лә ҡатнашҡан.

Марсель Ҡотоев — күп кенә конкурстар, шул иҫәптән «Ирәндек моңдары» төбәк-ара бәйгеһе, «Гәлсәр һандуғас» телевизион фестивале, «Урал моңо» төрки йәштәр конкурсы, Хакасияла үткән «От ыры» Бөтә Рәсәй конкурсы еңеүсеһе.

темалар: конкурстар