5 декабрь, Дүшәмбе

03 июнь 2016 йыл, 17:25

Баш ҡалала EcoCup документаль кино фестивале уҙғарыла

фото: Георгий Шишкин

ӨФӨ, 2016 йыл, 3 июнь. /«Башинформ» мәғлүмәт агентлығы, Галина Бахшиева/. Өфөлә, «Экология. Технологиялар. Тормош» тип аталған тәүге халыҡ-ара экологик форумы барышында, 80-10 июндә EcoCup («Экочашка») «йәшел» документаль кино фестивале ойошторола.

Башҡортостан күргәҙмәләр компанияһының генераль директоры Альбина Килдеғолова «Башинформ» агентлығында уҙған матбуғат конференцияһында хәбәр итеүенсә, фестивалдә экологияға арналған иң яҡшы документаль фильмдар күрһәтелә.

EcoCup программаһына «Мусорная Мандала» (Италия), «Климатический сценарий» (Испания), «В погоне за нулем» (АҠШ), «Темная сторона жвачки» (Канада), «Человек» һәм «Баобабы: между землей и морем» (Франция) фильмдары ингән.

Фильмдарҙы «ВДНХ-Экспо» комплексында ҡарарға мөмкин. Адресы: Өфө, Менделеев урамы, 158. Кинотаҫмалар рус телендәге субтитрҙар менән бара.

Инеү ирекле.