10 декабрь, Шәмбе

01 июнь 2016 йыл, 9:58

Өфө урамына Рейхстаг түбәһенә Еңеү байрағын элгән Ғәзи Заһитов исеме бирелде

фото: Мишкә районы хакимиәте

ӨФӨ, 2016 йыл, 1 июнь. /«Башинформ» мәғлүмәт агентлығы, Ғәлиә Нәбиева/. Өфө ҡала Советы депутаттары Затондағы яңы урамдарҙың береһенә Бөйөк Ватан һуғышы геройы Ғәзи Заһитовтың исемен бирҙе. Ул тәүгеләрҙән булып Рейхстаг түбәһенә Еңеү байрағын элгән. Бынан тыш, халыҡ һайланыусылары Калинин районы биләмәһендәге 51 урамға исем бирҙе.

Баш ҡалала Халыҡтар дуҫлығы һәм Берҙәмлек проспекттары барлыҡҡа килде. Депутаттар Халыҡтар дуҫлығы проспекты янындағы туғыҙ яңы урамға исем бирергә планлаштыра. Затон эргәһендәге урау юлды — Затон шоссеһы, Сафронов биҫтәһендәге яңы урамдарҙы Ожмах, Залесская, Яҡут һәм Данлы,  8 март ҡасабаһындағы урамдарҙы иһә Йәрминкә, Тәбиғәт һәм Алексеевка шоссеһы тип атарға тәҡдим ителгән.