8 декабрь, Кесе йома

30 май 2016 йыл, 17:45

Мәғариф өлкәһендә контроль һәм күҙәтеү идаралығы: рус теленән БДИ-да тәртип боҙоуҙар булманы

фото: Олег Яровиков

ӨФӨ, 2016 йыл, 30 май. /«Башинформ» мәғлүмәт агентлығы, Эльмира Сабирова/. Башҡортостанда рус теленән Берҙәм дәүләт имтиханы штат режимында үтте, тәртип боҙоуҙар булманы.

«Бер ниндәй ҙә иҫкәрмәләр, имтихандан сығарып ебәреүҙәр теркәлмәне», — тип билдәләне Башҡортостан буйынса Мәғариф өлкәһендә контроль һәм күҙәтеү идаралығы начальнигы Альмира Ғәниева.

Быйыл ведомствола Берҙәм дәүләт имтиханы барышы тураһында мәғлүмәттәр туплаусы Ситуация үҙәге асылған. Үҙәктә имтихан тапшырыу пункттарында һәм Республика мәғлүмәт эшкәртеү үҙәгендә ҡуйылған видеокүҙәтеү системалары ярҙамында махсус портал аша реаль ваҡыт режимында Берҙәм дәүләт имтиханына мониторинг ойошторолған. Шулай итеп, Башҡортостанда Берҙәм дәүләт имтиханы барышы тураһында бөтә мәғлүмәттәр Ситуация үҙәгенә килә.

Быйыл республикала 21 мең самаһы ун беренсе класс уҡыусыһы БДИ тапшыра.