5 декабрь, Дүшәмбе

30 май 2016 йыл, 14:32

Өфөлә вакансиялар һаны артҡан

фото: Олег Яровиков

ӨФӨ, 2016 йыл, 30 май. /«Башинформ» мәғлүмәт агентлығы, Галина Бахшиева/. Өфөлә буш эш урындары артҡан, тип хәбәр иттеләр ҡаланың мәшғүллек хеҙмәтендә.

Йыл башынан республиканың баш ҡалаһында 7,3 мең самаһы вакансия иҫәпләнһә, май аҙағына — 11,5 мең. Буш эш урындары миҙгелле һәм түләүле йәмәғәт эштәре өсөн вакансиялар иҫәбенә артҡан, тип аңлатма бирҙеләр «Башинформ» агентлығына Өфөләге Халыҡ мәшғүллеге үҙәгендә.

Мәшғүллек хеҙмәтендә 7,7 меңдән ашыу кеше иҫәптә тора, шуларҙың 6,9 мең самаһы — эшһеҙҙәр.

Хеҙмәт баҙарындағы көсөргәнешлек коэффициенты — 0,67. Эшһеҙлек кимәле — 1,16 процент.