9 декабрь, Йома

25 май 2016 йыл, 15:54

28 майҙа республикала тәүге һабантуйҙар үтә

фото: Олег Яровиков

ӨФӨ, 2016 йыл, 25 май. /«Башинформ» мәғлүмәт агентлығы, Сергей Захаров/. Башҡортостан Башлығы 2016 йылда «Һабантуй» халыҡ байрамын үткәреү тураһындағы указға ҡул ҡуйҙы.

Графикка ярашлы, 28 майҙа Әлшәй, Ейәнсура, Күгәрсен райондарында һәм Салауат ҡалаһында яҙғы баҫыу эштәренең тамамланыуы уңайынан тәүге тантаналар уҙғарыла.  

Республика Хөкүмәтенә муниципалитет хакимиәттәре менән берлектә байрамды ойоштороуҙы тәьмин итергә ҡушылған.

Башҡортостан буйынса Эске эштәр министрлығы, Ғәҙәттән тыш хәлдәр министрлығының республикалағы баш идаралығы һәм Һаулыҡ һаҡлау министрлығы йәмәғәт тәртибен, янғын һәм юл хәрәкәте хәүефһеҙлеген һаҡлау, медицина тәьминәте өсөн яуаплы итеп тәғәйенләнгән.

Өфөлә һабантуй 12 июндә үтә.