5 декабрь, Дүшәмбе

25 май 2016 йыл, 14:05

Синоптиктар төбәктә көндәрҙең эҫе тороуына бәйле янғын хәүефе тураһында иҫкәртә

фото: Олег Яровиков

ӨФӨ, 2016 йыл, 25 май. /«Башинформ» мәғлүмәт агентлығы, Гөлфиә Акулова/. Был аҙнала Башҡортостанда көндәрҙең эҫе тороуына бәйле синоптиктар янғын хәүефенең юғары булыуы тураһында иҫкәртә.

«Көн 25-31 градусҡа тиклем йылына, яуым-төшөм көтөлмәй. Ошондай һауа торошо урмандарҙа янғын сығыу хәүефен арттыра, күпселек райондарҙа янғын хәүефе айырыуса юғары буласаҡ», — тип хәбәр иттеләр республиканың гидрометеорология һәм тирә-яҡ мөхит мониторингы идаралығында.

Белгестәр фаразлауынса, ял көндәрендә үк республиканың төньяғында һауа температураһы түбәнәйә башлай. Төньяҡ райондарҙа йәшенле ҡойма ямғыр, боҙ-борсаҡ яуыуы, елдең көсәйеүе көтөлә.