8 декабрь, Кесе йома

20 май 2016 йыл, 14:06

Өфөлә сауҙа һәм дөйөм туҡланыу предприятиеларының вакансиялар йәрминкәһе уҙа

фото: Олег Яровиков

ӨФӨ, 2016 йыл, 20 май. /«Башинформ» мәғлүмәт агентлығы, Галина Бахшиева/. Өфөләрҙе сауҙа һәм дөйөм туҡланыу предприятиелары, ҡунаҡхана һәм ресторандарҙың вакансиялар йәрминкәһенә саҡыралар. Ул 26 майҙа баш ҡалалағы Халыҡ мәшғүллеге үҙәгендә үтә.

«Башинформ» агентлығына хәбәр итеүҙәренсә, йәрминкәлә кондитер, һауыт-һаба йыуыусы, администратор, йыйыштырыусы, бармен, ашнаҡсы, склад мөдире, кассир, менеджер, йөксө, официант, һатыусы һөнәрҙәре тәҡдим ителә.

Йәрминкәне үткәреү урыны һәм ваҡыты: Ибраһимов бульвары, 47/1, иртәнге сәғәт 10-дан көндөҙгө 12-гә тиклем.

Бөтә хеҙмәттәр ҙә бушлай күрһәтелә.